Bog‘ot tumanida chigit ekishga kirishildi

Bugun Bog‘ot tumanida chigit ekish mavsumi boshlanishi munosabati bilan qishloq xoʻjaligi xodimlarining dala sharoitida tashkil etilgan o‘quv-amaliy seminari oʻtkazildi. Ustalar mahallasida oʻtgan tadbirda dastlab yuqori hosildor chigit va qishloq xoʻjaligi ekinlari urugʻlari, kimyoviy oʻgʻitlar namunalari, texnikalardan iborat qishloq xoʻjaligi koʻrgazmasi koʻzdan kechirildi. Shundan so‘ng ekish mavsumini muvaffaqiyatli oʻtkazish borasida tuman hokimi Jahongir Nazarov, sohada uzoq yillar faoliyat yuritgan faxriylar, tajribali mutaxassislarning maslahatlari tinglanib, nuroniy otaxonlarning duosi bilan yerga urugʻ qadash ishlari boshlab yuborildi. Maʼlumot uchun, bu yil Bog‘ot tumanida 5 800 gektar maydonga chigit ekiladi.