Ayollar tadbirkorligini rivojlantirish borasida tumanda amalga oshirilayotgan ishlar

Bugungi kunda Bog‘ot tumanida oilaviy tadbirkorlikni yo‘lga qo‘yish, xotin-qizlar tadbirkorligini rivojlantirish, aholi, ayniqsa, ayollar bandligini ta’minlash, shu orqali ularning doimiy daromad manbaini shakllantirish, kambag‘allikni qisqartirishga qaratilgan keng ko‘lamli ishlar amalga oshirilmoqda. Tuman hokimining o'rinbosari, oila va xotin-xotin qizlar bo'limi rahbari boshchiligida tashkil etilgan "Ayollar tadbirkorligini rivojlantirish borasida tumanda amalga oshirilayotgan ishlar" mavzusidagi media-turda tuman miqyosida xotin-qizlar tadbirkorligini rivojlantirish, kambag‘allikni qisqartirish masalalari ko'zdan kechirildi, ana shu yo‘nalishlarda olib borilayotgan ishlar, yutuq va muammolar atroflicha muhokama etildi. Jumladan, Oq oltin va G'alaba mahallasida istiqomat qiluvchi ayollarning xonadonlariga tashrif buyurildi hamda tomorqasida issiqxona tashkil etib, daromad olayotgan xotin-qizlar faoliyati bilan tanishildi.