Bosh vazir o'rinbosari Bog'ot tumanida

Bosh vazir oʻrinbosari – Oila va xotin-qizlar qo‘mitasi raisi Zulayho Mahkamova Bogʻot tumaniga tashrif buyurib, kasanachi-pillakor ayollar bilan uchrashdi, uy sharoitida issiqxona tashkil qilib yuqori daromad olayotgan xotin-qizlar faoliyati bilan tanishdi. Uchrashuvda yangicha yondashuv asosida pilla yetishtirishni yo‘lga qo‘yish, pilla yetishtiruvchilarning moddiy manfaatdorligini oshirish, xonadonlarga tarqatilgan pillaning to‘g‘ri parvarishini yo‘lga qo‘yish, o‘rma tutzorlar tashkil qilish va uy sharoitida tayyor ipak ishlab chiqarishni yo‘lga qo‘yish, ish bilan band bo‘lmagan xotin-qizlarni ipak qurtini yangi agrotexnik qoidalar asosida parvarishlashga jalb qilish, bu orqali pillachilikdan olinadigan daromad va mahsuldorlikni oshirish masalalari muhokama qilindi. Shuningdek, Bosh vazir o‘rinbosari mahallalarda oilalar farovonligini oshirish, xotin-qizlar bandligini ta’minlashga qaratilgan ishlar bilan ham yaqindan tanishdi.