ҲУҚУҚИЙ МОНИТОРИНГнорматив-ҳуқуқий ҳужжатлар сифати ошишига хизмат қилади

Қарорга мувофиқ Ўзбекистон Республикаси Адлия вазирлиги давлат бошқарув органларининг ҳуқуқий мониторингини ўтказиш соҳасидаги фаолиятни мувофиқлаштириш бўйича махсус ваколатли орган этиб белгиланди, шунингдек, ҳуқуқий мониторинг Вазирлар Маҳкамаси томонидан тасдиқланадиган режа асосида амалга оширилади. Жумладан, мазкур режа Адлия вазирлиги томонидан давлат бошқаруви органлари тақдим этган таклифлар асосида шакллантирилиши ҳамда Вазирлар Маҳкамаси Раёсати мажлисида муҳокама қилинган ҳолда тасдиқланиши назарда тутилган. Ҳуқуқий мониторинг ўтказишни ташкил этиш ва мувофиқлаштириш давлат органларининг юридик хизматлари томонидан амалга оширилади. Бундан ташқари, Адлия вазирлиги давлат бошқаруви органлари томонидан ҳуқуқий мониторинг ўтказилган норматив-ҳуқуқий ҳужжатларни танлаб олиб, такрорий ҳуқуқий мониторинг ўтказиши мумкин. Бу эса ўз навбатида давлат органларининг масъулияти янада ошишига хизмат қилади. Яшинбек БОЛТАЕВ, туман адлия бўлими бошлиғи. Izoh qolidrish