БАРЧА ТАШҚИ РЕКЛАМАЛАР ДАВЛАТ ТИЛИДА ВА ЛОТИН ЁЗУВИГА АСОСЛАНГАН ЎЗБЕК АЛИФБОСИДА БЎЛИШИ КЕРАК

БАРЧА ТАШҚИ РЕКЛАМАЛАР ДАВЛАТ ТИЛИДА ВА ЛОТИН ЁЗУВИГА АСОСЛАНГАН ЎЗБЕК АЛИФБОСИДА БЎЛИШИ КЕРАК Маънавиятимиз, маданиятимиз, ўзлигимиз тимсоли бўлган ўзбек тилини ҳурмат қилиш, унинг нуфузи ва мавқеини оширишда барча фуқаролар масъулмиз. Келажак авлодга мерос саналмиш она тилимизнинг софлигини сақлаш учун бугун ҳаракат қилмасак, эртага кеч бўлиши мумкин.Боғот туманидаги туризм маҳалласи «Қалажиқққалъа» ҳудудидаги ташқи рекламалар билан боғлиқ муаммоларни бартараф этиш мақсадида туман ҳокими маслаҳатчиси Д.Абдуллаева, туман ҳокимлиги ахборот хизмати раҳбари М.Абдуллаевалар йўл бўйида ўрнатилган ташқи рекламалардаги ёзувларни ўрганишди. Ўрганишда имловий хато ёзилган, эскирган, бошқа тилда ёзилган ҳамда ўрнатилиши мумкин бўлмаган дарахтлар, симёғочларга ўрнатилган ташқи рекламалар бўйича таҳлилий ҳисобот тайёрланди. Сайёҳлик йўли устида жойлашган ташқи рекламалар талаб даражасида бўлиши шарт ва зарурлиги бўйича масъуллар билан боғланиб, муаммоларни бартараф этишга киришилди.   Izoh qolidrish