«ТАБИАТСЕВАР ФЕРМЕРЛАР–ЮРТИМИЗ ОБОДЛИГИ ЙЎЛИДА!»

«ТАБИАТСЕВАР ФЕРМЕРЛАР–ЮРТИМИЗ ОБОДЛИГИ ЙЎЛИДА!» Мамлакатимизда, жумладан туманимизда фермерчилик ҳаракатининг мазмун моҳиятини чин дилдан ҳис қилган фермерлар сафи кундан кунга кенгайиб бормоқда. Ана шундай фермер хўжаликларидан бири Боғот тумани М.Қувақов ҳудудидаги «Тоҳиржон Сарварбек» фермер хўжалигидир. Жорий йилнинг 2 август куни Боғот туман ҳокимлиги, туман қишлоқ ва сув хўжалиги бўлими ҳамда Ўзбекистон Экологик партияси Боғот туман Кенгаши вакиллари ушбу фермер хўжалигида бўлиб фермер хўжалиги томонидан олиб борилаётган иш жараёнлари билан танишдилар. Фермер хўжалиги 2015 йилда ташкил қилинган бўлиб давлатимиз томонидан белгиланган барча шартнома мажбуриятларини ошиғи билан бажариб келмоқда. 2019 йилда фермер хўжалигини кўп тармоқли хўжаликка айлантириш мақсадида узумчилик, боғдорчилик, асаларичилик, балиқчилик ва чорвачилик йўналишларидаги фаолият ҳам йўлга қўйилди. Бунинг натижасида қўшимча иш ўринлари яратилиб «Темир дафтар», «Аёллар дафтари» ва «Ёшлар дафтари»га киритилган жами 6 киши иш билан таъминланди. Изланишлар давом этиб чет элдан келтирилган зотдор қорамоллардан 26 таси олиниб парваришлашланмоқда. Бунинг ҳисобига яна қўшимча 2 ишчи ўринлари яратилди. Янгиликларни амалиётга қўллашга ташна табиатсевар ака-ука фермерлар деҳқончиликда сувни тежовчи ускуналарни келтириб ўрнатдилар. Натижада сувдан тежаб тергаб фойдаланиш тизими яратилди. Жорий йилнинг баҳорида жами 63,5 гектар майдонга «Меҳнат» навли чигит экилди. Айни кунларда агротехник талаблар асосида парваришланаётган ғўзаларнинг ривожи яхши. Ҳар бир туп ғўзада ўртача 20-25 кўсак мавжуд. Бугунги кунга келиб фермер хўжалиги тасарруфида жами 3(учта), шундан 1 та чопиқ трактори, 1 та транспорт трактори ва 1 та ЮТО транспорт воситалари мавжуд.Давлатимиз Мустақиллигининг 30 йиллигига деҳқончиликдан юксак хирмонлар кўтариш билан ўзларининг муносиб ҳиссаларини қўшишга бел боғлаган Ўзбекистон Экологик партияси аъзолари, ака-ука фермерлар Эргашбой ва Расулбек Матчоновларга омадлар ёр бўлишини тилаб қоламиз. Улуғбек Ибраҳимов Ўзбекистон Экологик партияси Боғот туман Кенгаши раиси, Халқ депутатлари Боғот туман Кенгаши депутатиБОҒОТ ТУМАНИ ҲОКИМЛИГИ АХБОРОТ ХИЗМАТИ Izoh qolidrish