ҲОКИМ_БИЛАН_МУЛОҚОТ

Хоразм вилояти ҳокимлигининг Хоразм вилояти АОКА бошқармаси билан ҳамкорликда тасдиқлаган сентябрь ойи медиа-режаси ижроси юзасидан 2021 йил 11 сентябрь куни Хоразм вилояти телевидениясида «Ҳоким билан очиқ мулоқот» кўрсатуви бўлиб ўтди. Очиқ мулоқотда Боғот тумани ҳокими Шавкат Яхшибаев билан биргаликда тумандаги сектор раҳбарлари, ҳоким ўринбосарлари, туман тиббиёт бирлашмаси бошлиғи фуқароларнинг тўғридан тўғри мурожаатларига ва саволларига жавоб бердилар. Мулоқот бир соат давом этди. Туман ҳокими очиқ мулоқотда келиб тушган мурожаатлар масъул раҳбарлар томонидан жойларда қайта ўрганилиши лозимлиги бўйича топшириқ берди. Ҳоким томонидан очиқ мулоқотда айтилган мурожаатлар ижроси қатъий назоратга олинди.Зеро, давлатимиз раҳбари таъкидлаганидек, «Халқимиз биздан рози бўлса, ишимизда унум ва барака бўлади». Шунга кўра туман ҳокими, сектор раҳбарлари фуқароларнинг мурожаатига ҳар куни жавоб бериб, амалий кўмак беришга тайёрдирлар. Izoh qolidrish