БОҒОТДА ЎТКАЗИЛГАН ОТ СПОРТИ МУСОБАҚАЛАРИДА ЧАВАНДОЗНИНГ АБЖИРЛИГИ, ОТНИНГ УЧҚУРЛИГИ, БАКОВУЛНИНГ АДОЛАТИ ҒАЛАБА ҚИЛДИ

Моҳиятида мардлик, жасурлик, эпчиллик, қатъиятлилик фазилатлари мужассам қадимий чавандозлик спорт ўйини — ўлоқ-кўпкари мусобақасида Миллий гвардиячилар ва боғотлик чавандоз- полвонлар иштирок этди, юзлаб ишқибозлар кузатиб бордилар.Кўпкарида улоқни худди дошқозон сингари қайнаб турган майдондан олиб чиқиш ҳақиқий ғолибликдир. Лекин бундайин талотўпдан улоқни ажратиб олишнинг ўзи бўлмайди. Бунинг учун чавандозга яхши от, билак кучи ва улкан тажриба керак. Отинг учқур бўлса-ю, сенда чапдастлик етишмаса, ғолиб чиқишни орзу қилмасанг ҳам бўлаверади...Боғотда ўтказилган спорт мусобақаларида кўплаб эпчил ва чапдаст чавандозлар қатнашдилар.Боғот тумани ҳокимлиги томонидан ғолиб бўлган моҳир чавандозлар ва кураш тушган марду майдон полвонлар қимматбаҳо совринлар билан рағбатлантирилдилар. Тадбирда «Саман» исмли оти билан қатнашаётган боғотлик Болтавой полвон :«Отга меҳрим бўлакча, болалигимдан уйимизда от бўлган. Шу туфайли отга меҳр қўйганман», дейди.Кўпкари оддий кўнгилочар ўйин эмас, у эрни эр қиладиган, унда мардлик, жасурлик, эпчиллик ва довюракликни шакллантирадиган жиддий машғулот. Асосий масала совринга қўйилган қимматбаҳо нарса эмас, аксинча, баковулнинг адолати, номдор чавандознинг абжирлиги, ҳақиқат ғалаба қозониши, омад доим мардники бўлишидир. Боғот туманидаги катта улоқ-кўпкари мусобақаси ана шундай ўтди. Айтиш керакки, тадбир давомида ҳарбий техника ва қурол-аслаҳалар, ҳарбий хизматчиларнинг кўргазмали жанговар чиқишлари, концерт дастурлари намойиш этилди, турли қизиқарли спорт мусобақалари ташкил этилди. Қолаверса, кузнинг салқин об-ҳавоси байрам шукуҳига шукуҳ қўшди.Тадбирда секторлар раҳбарлари иштирок этдилар. Izoh qolidrish