Боғот тумани ҳокими Ш.Яхшибаев Боғотликларга қилган мурожаатида ижтимоий ҳимояга муҳтож оилаларга кўрсатилаётган ёрдамлар хусусида тўхталиб ўтди.

«Боғот туманида «Темир дафтар» бўйича амалга оширилаётган ишлар билан таништириб ўтаман. «Темир дафтар»га киритилган жами эҳтиёжманд оилалар 1329 тани, оила аъзолар сони 6198 та, шундан меҳнатга лаёқатли ишсизлар 1422 тани ташкил қилади. Халқ депутатлари туман Кенгаши қарори асосида эҳтиёжманд оилалар рўйхатидан чиқарилган эҳтиёжманд оилалар сони 1223 тани ёки 92,0 фоизни ташкил қилади. Бугунги кунда 106 та оила 1-секторда 39 та, 2-секторда 20 та, 3-секторда 25 та, 4-секторда 22 та қолмоқда. Кўрсатилган ёрдам турлари бўйича тўхталиб ўтсам. Боғот туманида бу юзадан 1422 нафар фуқаро ишга жойлаштирилди, 42 нафарига кредит ажратилди, 40 нафарига 9,1 гектар ер майдони ажратилди, 4 та оилага субсидия асосида 13,6 млн сўмга иссиқхона қуриб берилди, 238 та оилага 101,1 млн.сўм нақд пул ҳомийлар томонидан берилди, 23 та оилага 400 минг сўмлик дори-дармонлар етказиб берилди, 43 та оилага 43 бош қорамол, 23 та оилага 23 та қўй-эчки, 74 та оилага 890 та товуқ берилди. 2020 йилда жами кўрсатилган ёрдамлар миқдори 2 млрд. 588 млн.сўмни, жами 3 млрд 269 млн.сўмлик ёрдам кўрсатилди. Шунингдек, 2021 йилнинг январ-ноябр ойларида «Саховат ва кўмак» жамғармасидан жами 909 та оилаларга 681,2 млн.сўмлик ёрдамлар кўрсатилди. Жумладан, 12 та оилага 4,5 млн сўмлик озиқ-овқат маҳсулотлари етказиб берилди, 348 та оилага 253,3 млн.сўмлик бир марталик моддий ёрдамлар берилди, 14 та оилага 42 млн сўмлик 0,5 сотихлик иссиқхоналар қуриб берилди. 2 та оилага 5,9 млн.сўмлик дори -дармонлар, 6 та оилага соғлиқларини тиклаш учун 18,8 млн.сўм шифохоналарга ўтказиб берилди. Парранда боқиш истагини билдирган оилаларга жами 29 млн.сўмлик товуқ тарқатилди. Тикувчилик фаолиятини бошлаш истагини билдирган 31 та оилага 125 млн.сўмлик тикув машиналари олиб берилди». Izoh qolidrish