Korrupsiyaga qarshi kurashish profilaktik tadbiri

9-dekabr – Xalqaro korrupsiyaga qarshi kurash kuniga bag'ishlangan Aksilkorrupsiya oyligi doirasida tuman hokimligida korrupsiyani oldini olish, qonunbuzilish holatlarining sabablari va sharoitlarni bartaraf etish hamda korrupsiyaga qarshi kurashish faoliyatini yanada samarali tashkil etish boʻyicha tumandagi tashkilotlar rahbarlari, xalq deputatlari tuman Kengashi a’zolari ishtirokida profilaktik tadbir bo‘lib o‘tdi. Yig‘ilishda so‘zga chiqqan tuman hokimi Jahongir Nazarov korrupsiyaga qarshi kurashish, oldini olish va unga chek qoʻyishga oid amalga oshirilayotgan chora-tadbirlar hamda kelgusidagi vazifalar xususida toʻxtaldi. Tuman rahbari korrupsiya holatlarini barvaqt aniqlash va oldini olish, ularning sabab va shart-sharoitlarini bartaraf etish, manfaatlar to‘qnashuviga yo‘l qo‘ymaslik va korrupsiyaga nisbatan murosasiz munosabatni shakllantirish choralarini ko‘rish bo‘yicha mas’ullarga topshiriqlar berdi hamda bu boradagi seminar va huquqiy targ‘ibot tadbirlari sonini oshirish zarurligini ta’kidladi.