3-СЕКТОР РАҲБАРИ ТОМОНИДАН БОЛАЖОНЛАРГА ПРЕЗИДЕНТ СОВҒАСИ ТОПШИРИЛДИ
3-СЕКТОР РАҲБАРИ ТОМОНИДАН БОЛАЖОНЛАРГА ПРЕЗИДЕНТ СОВҒАСИ ТОПШИРИЛДИ
«Жонажон мактабимиз томон ошиқар эканмиз, қалбимизда ўқувчилар каби ҳаяжон бор,-дейишди Боғот туманидаги 14-сон мактаб ўқитувчилари. Ўқувчиларимизни ўз фарзандимиз каби соғиндик. Айниқса, янги ўқув йилининг шодиёналари бизни қувонтирди».
Мароқли таътилда соғинч ҳиссини яна икки карра қалбларига туйган синфдошлар бугун дийдорлашдилар. 1- синфлар болалик шўхликлари билан хайрлашиб мактаб партасига ўтирдилар.
Биринчи қўнғироқ садолари остида бошланган тумандаги 14-сон мактабнинг тадбирида Боғот тумани ИИБ бошлиғи Эргаш Аҳмедов иштирок этиб, янги ўқув йилининг илк куни билан мактаб директори М.Ражабовани,ўқувчиларни табриклади.
14-сон мактаб ўқувчиларининг келгусида мукаммал илм эгаллаб, юртимизга муносиб фарзанд бўлиб етишишларини тилади ҳамда 1- синф ўқувчиларга Президент совғаларини топширди.
Сочларига орзулари каби оппоқ тасма боғлаб олган қизалоқнинг қўлидаги қўнғироқ овози юракларни ҳаяжонга солди.
Bosh sahifaga qaytish
