Ochiq muloqot

Aholining murojaatlarini o‘rganish, kundalik hayotidagi ijtimoiy-maishiy muammolarga oqilona yechim topish maqsadida bevosita mahallalarda tuman hokimi Jahongir Nazarovning fuqarolar bilan yuzma-yuz uchrashuvlari tashkil etilmoqda. Ana shunday uchrashuvlarning navbatdagisi 1-sektor hududidagi mahallalarda istiqomat qilayotgan yoshlar hamda fuqarolar uchun tashkil etildi. Uchrashuvda 1-sektor hududidan 11 nafar fuqaro o‘zlarining murojaatlarini bildirdilar. Tuman hokimi fuqarolarning turmushida uchrayotgan muammolarni birma-bir tingladi. Muloqot jarayonida ishtirokchilar tomonidan yo‘llangan har bir murojaat tegishli soha mutaxassislarini jalb qilgan holda oʻrganilib, qonuniy hal qilish, fuqarolarga amaliy yordam berish choralari koʻrildi.