Kasb-hunar kurslarini muvaffaqiyatli tamomlagan ayollarga sertifikatlar topshirildi

Bugungi kunda xotin-qizlarning bandligini ta’minlash, ularning o‘rta va oliy ta’lim muassasalarida o‘qishlari uchun zarur shart-sharoitlar yaratish, ishsizlikka barham berish dolzarb masalalardan biri hisoblanadi. Ana shu maqsadlarda Bog‘ot tumanida ham yangi ish o‘rinlarini yaratish, ijtimoiy himoyaga muhtoj, ishsiz xotin-qizlarni har tomonlama qo‘llab-quvvatlash orqali moliyaviy ko‘mak berilib, bir qator chora-tadbirlar amalga oshirib kelinmoqda. Jumladan, bugun “Yoshlar daftari” jamg‘armasi mablag‘lari hisobidan o‘qitilib, hamshiralik kurslarini a’lo baholarga tugatgan bir guruh xotin-qizlarga sertifikatlar topshirildi. Tuman hokimi Jahongir Nazarov barcha bitiruvchilarni muvaffaqiyatli qadam bilan tabrikladi, ularning kelgusi faoliyatlarida omad va zafarlar tilab, jamiyat ravnaqi uchun munosib hissa qo‘shishlariga umid bildirdi.